注意 NOTICE

家教會會籍生效於每學年度的9月1日,並止於翌年8月31日(即有效期為一個學年),如家長發覺會籍過期或尚未入會、請即《 續會/入會》。另外, 請參閱有關本會的個人資料(私隱)聲明

 

PTA Membership starts each year on 1st Sept and ends on 31st August the next year. Please 《 Apply for/Renew》 membership.  Please note our Personal Data (Privacy) Statement.

 

版權所有

All rights reserved © 2013
Pui Kiu College Parent-Teacher Association Limited

徐立之在畢業禮中的講話

政情:徐立之勉中學生「做錯要認」

香港大學校長徐立之尋日出席一間中學畢業禮時,告誡一班畢業生,做人有錯就要認。培僑書院尋日舉行畢業禮,做嘉賓嘅徐立之就同班畢業生分享咗佢當年喺多倫多尋找基因時嘅一個小故事。

 

借往事告誡年輕人

 

話說廿幾年前徐立之喺當地做緊基因研究工作,當時各個實驗室團隊可以話係競爭激烈,大家都設法鬥快搵出基因圖譜。為咗脫穎而出,大家一係自行加緊步伐、努力做研究,一係就出蠱惑阻慢其他人嘅研究。不過,為病人嘅健康着想,大家都唔會出貓阻礙對手,反而會互通消息。

 

徐立之話,當時有個實驗室團隊率先發現咗一個基因,但後來發現有錯,本來可側側膊唔出聲,但嗰個團隊最後都選擇承認錯誤,徐立之就喺呢件事兩年後成功斷定咗囊狀纖維症嘅缺陷基因。佢話,當時資訊科技冇咁發達,要欺騙人係一件好容易嘅事,但佢更佩服有關團隊肯認錯嘅勇氣。